Irén Zilahy

Irén Zilahy
Irén Zilahy en 1937
Persona informo
Naskonomo	Gajdzinszky Irén Mária
Naskiĝo	10-an de aŭgusto 1904 (1904-08-10) en Kaposvár
Morto	3-an de aprilo 1944 (1944-04-03) (39-jaraĝa) en Budapeŝto
Tombo	Tombejo Farkasrét, 8/3 (8/1A)-1-105/106
Ŝtataneco	Hungario
Memorigilo
Familio
Edz(in)o	László Benedek
Okupo
Okupo	aktoro kantisto

Irén Zilahy [zilahi], laŭ hungarlingve kutima nomordo Zilahy Irén estis hungara aktoro, operetkantisto, subreto. Ŝia origina nomo estis (laŭ hungarlingve kutima nomordo) Gajdzinszky Irén Mária, ŝiaj familiaj nomvariantoj estis Gajdzsinszky aŭ Gajdinszky. Ŝia edzo estis László Benedek (kuracisto), ŝia geedziĝa nomo estis (laŭ hungarlingve kutima nomordo) Benedek Lászlóné (laŭ okcidenteŭropa nomsistemo Irén Benedek).

Irén Zilahy naskiĝis la 10-an de aŭgusto 1902 (ekzistas pluraj aliaj informoj) en Kaposvár, ŝi mortis la 3-an de aprilo 1944 en Budapeŝto.

Memortabulo pri Irén Zilahy

Irén Zilahy en filmo

Geedza paro Zilahy

Biografio

Irén Zilahy lernis en transilvaniaj urboj (depost 1919 jam Rumanio). Pro sukcesa deklamo ŝi estis allogita al teatrejo de Arad (urbo). Komence ŝi ludis en hungarlingvaj teatroj en Rumanio kun teatra trupo de Mihály Fekete (aktoro). Baldaŭ ŝi aperis en Teatro Városi (1927-1930) kaj aliaj ĉefurbaj teatroj. Ŝi lernis germane kaj france, pli poste en 1931 ŝi jam estis aŭstria aktoro, poste franca aktoro. Ŝi edziniĝis en 1937 kaj ŝi retiriĝis de la scenejo, tamen ŝi tenis la filmajn rolojn. Dum la unua bombardado de Budapeŝto ŝi iris al propra bunkro, tamen la bunkro estis plene trafita kaj ŝi tuj mortis.

Ŝiaj teatraj roloj (elekto)

• György Jarnó: Az erdészleány (opereto) - Krisztina
• Lajos Lajtai:
  • Mesék az írógépről (opereta versio) - Baba
  • A régi nyár (opereto) - Zsuzsi
• Miklós Brodszky: Szökik az asszony (opereto) - Ripsz
• Jenő Rejtő: Úrilány szobát keres - Klári Székely (same en hungara filmo)

Ŝiaj filmaj roloj (elekto)

• Aranypáva (1929) - Minny
• Paprika (1930) - Ila
• Quadrille d'amour (1935) - Irène
• Le prince Bouboule (1939) - princido Sonia

Anekdoto (historieto) pri Zilahy

Pro la hungaraj sukcesoj germana direktoro venis kaj diris: Se vi bone parolas germane, vi ricevos rolojn en Vieno. Si respondis, momente ne, sed post 3 monatoj jam jes. Ŝi tuj foriris, aĉetis lernolibron kaj trovis instruiston. Fakte ŝi post 3 monatoj ŝi rolis en Vieno.

Memorigiloj

• memortabulo en Budapeŝto

Fontoj

• hungarlingva biografio kun foto
• hungarlingva biografio kun foto
• hungarlingva biografio
• hungarlingva biografio Arkivigite je 2016-03-05 per la retarkivo Wayback Machine
• hungarlingva biografio
• hungarlingva biografio (la koncerna teksto estas legebla en la 1048-a paĝo)