Benavente (Portugalio)

Benavente
municipo de Portugalio • urbo de Portugalo
Flago	Blazono
Administrado
Poŝtkodo	2130
En TTT	Oficiala retejo [+]
Demografio
Loĝantaro	29 019 (2011) [+]
Loĝdenso	56 loĝ./km²
Geografio
Geografia situo	38° 59′ N, 8° 49′ U (mapo)38.983333333333-8.8166666666667Koordinatoj: 38° 59′ N, 8° 49′ U (mapo) [+]
Alto	34 m [+]
Areo	521,38 km² (52 138 ha) [+]
Horzono	UTC±00:00 [+]
	Benavente (Portugalio) Benavente
	Situo de Benavente
Alia projekto
	Vikimedia Komunejo Benavente, Portugal [+]
	v • d • r

Benavente estas portugala urbo de la provinco Ribatejo, subregiono Lezíria do Tejo kaj de la Distrikto Santarém kun ĉirkaŭ 9 400 loĝantoj.

La urbo Benavente estas sidejo de la municipo Benavente, kun 521,38 km² de areo kaj 29 716 loĝantoj (2021), subdividita en kvar freguesias. La municipa teritorio limas norde kun la municipo Azambuja, nordoriente kun Salvaterra de Magos, oriente kun Coruche, sudoriente kun eksklavo de Montijo, sude kun Palmela kaj Alcochete, sudokcidente kun la Estuaro de la rivero Taĵo (inunda tereno oficiale atribuita al la municipo Alcochete) kaj nordokcidente kun Vila Franca de Xira.

La plej loĝata freguesia de la municipo estas Samora Correia, kiu havis 17 704 loĝantojn en 2021.

Historio[redakti | redakti fonton]

En 1199, la setlado de eksterlandaj kolonoj sur la suda bordo de la rivero Taĵo kondukis al la starigo de la setlejo Benavente. Sur limoj de la kastelo de Coruche, estrita de la Ordeno de Kalatrava, oni konstituis tie sidejon kaj senjorlandon de tiu militordeno, al kiu apartenis ankaŭ la kastelo de Benavente, en la Reĝlando Leono. Benavente, inter Santarém kaj Lisbono, estas limigita per la rivero Sorraia, unu de la ĉefaj alfluantoj de la rivero Taĵo kaj estos la dua municipo starigita sude de la grandrivero.

Benavente ricevis antikvan foruon el D. Paio, aŭ Pelágio, superulo da la Militordeno de Évora, la 25an de Marto 1200, konfirmita en Santarém en 1218 fare de Sanĉo la 1-a. Manuelo la 1-a havigis novan foruon la 16an de Januaro 1516. Krome ĝi ricevis privilegiojn ankaŭ de aliaj monarkoj, speciale de Denizo kaj Fernando.

Benavente disvolvis historian centron, kun areo bone limigita per la rivero Sorraia oriente kaj la malsekejo Lezíria dos Cavalos okcidente. Tiu centro havas triangulan formon, kun norde Krucmonumnto de Largo do Calvário kaj centre la iama preĝejo, detruita de la tertremo de Benavente de 1909, kiu mortigis pli ol 60 personojn kaj detruis praktike ĉiujn domojn de la loko [1].