7-a Pintokunsido de la Amerikoj
La 7-a Pintokunsido de la Amerikoj estis pintokunsido okazinta en Panamo inter la 10-a kaj 11-a de aprilo 2015.[1]
Enkonduko[redakti | redakti fonton]
Pintokunsido de la Amerikoj kunigas la ŝtatestrojn de la Amerika kontinento kiuj estas membroj de la Organizaĵo de Amerikaj Ŝtatoj, por pridiskuti politikajn aferojn, reaserti la komunajn principojn kaj plani kunajn agojn naci- kaj region-skale cele al superi la nunajn kaj estontecajn defiojn kiujn havas la landoj de Ameriko.
Ĉeesto de Kubo[redakti | redakti fonton]
Dum la 6-a pintokunsido, pluraj ŝtatestroj el la tuta politika spektro diris ke la sekva pintkunveno nepre inkludu al Kubo. La Ŝtatoj membroj de ALBA anoncis ke ili malhelpus la okazigon de la 7-a pintkunveno se oni ne invitos Kubon al ĝi. Tial la panama registaro anoncis la oficialan inviton al Kubo la 1-an de aŭgusto 2014.[2][3] La 12-a de decembro, la Ministerio pri Eksteraj Rilaroj de Panamo anoncis la partoprenon de Kubo en la pintkunveno.[4]
La proparolanto de la usona ministrejo por eksterlandaj aferoj, Jen Psaki, avertis ke la ĉeesto de Kubo en la pintkunveno estus moko al la spirito de la Tutamerika Demokratia Ĉarto.[5] Tamen, alia dungito de tiu usona ministrejo nerekte esprimis ke Usono ne kontraŭas la partoprenon de Kubo en la pintkunveno.[6]
Venezuelo[redakti | redakti fonton]
La 6-a de aprilo 2015, 24 eks-Prezidantoj publikigis sciigon por denonci kion ili opiniis ke estis «demokratia difekto» en Venezuelo, fare de la registaro de Nicolás Maduro. La sciigo petas la tujan liberigon de la «politikaj arestitoj» en tiu lando. Inter la eks-Ŝtatestroj kiu subskribis tiun sciigon estas: Jorge Quiroga (Bolivio); Sebastián Piñera (Ĉilio): Andrés Pastrana, Álvaro Uribe kaj Belisario Betancur (Kolombio); Miguel Ángel Rodríguez Echeverría, Rafael Ángel Calderón Fournier, Laura Chinchilla, Óscar Arias kaj Luis Alberto Monge (Kostariko), Osvaldo Hurtado (Ekvadoro); Alfredo Cristiani kaj Armando Calderón (Salvadoro); Felipe González[7] kaj José María Aznar (Hispanio); Felipe Calderón kaj Vicente Fox (Meksiko), Mireya Moscoso (Panamo), Alejandro Toledo (Peruo) kaj Luis Alberto Lacalle (Urugvajo).[8] La Prezidantino de Brazilo, Dilma Rousseff, diris ke «La landoj kiuj estas membroj de Unasur, kiuj partoprenas la Pintokunsidon, la Pintokunvenon de la Amerikoj, havas hodiaŭ la absolutan intereson pri pli granda libereco, ke ne estu niveloj da violento en la stratoj, ĉiuj ni havas tiun intereson»...«Ni ne pensas ke la plej bona rilato kun la opozicio estas enkarcerigi iun ajn (…), se tiu persono ne faris krimon, ne povas estis enkarcerigita». [9]
Siaparte, la Prezidanto de Venezuelo Nicolás Maduro donis al la Prezidanto de Usono, Barack Obama, subskribojn kolektitajn en sia lando kontraŭ la dekreto usona kiu diras ke Venezuelo estas «eksterordinara minaco por la nacia sekureco de Usono». La subsekretario usona por aferoj el la okcidenta hemisfero, Roberta S. Jacobson, diris de la punojn «ne celis damaĝi al venezuelanoj aŭ al la tuto de la venezuela registaro».[10]
Ĉeestintaj landoj[redakti | redakti fonton]
Pli ol 30 landoj el Ameriko estis invititaj al ĉi tiu kunsido, kiun partoprenis Prezidantoj, Ĉefministroj, Kancelieroj kaj delegitoj oficialaj de la landoj el Latin-Ameriko, Karibio, Usono, Kanado kaj Kubo.
Referencoj[redakti | redakti fonton]
- ↑ "Inicia preparación de la Cumbre de las Américas de Panamá". Kontrolita 5-a de oktobro 2015. (hispane)
- ↑ "Cuba asistirá a la Cumbre de las Américas y EEUU, en duda". Kontrolita 17-a de decembro 2014. (hispane)
- ↑ "Panamá invitará a Cuba a la Cumbre de las Américas 2015". Kontrolita 10-a de oktobro 2014. (hispane)
- ↑ "Cuba confirma asistencia a Cumbre de las Américas". Kontrolita 17-a de decembro 2014. (hispane)
- ↑ "EEUU no quiere a Cuba en la Cumbre de las Américas". Kontrolita 17-a de decembro 2014. (hispane)
- ↑ "EEUU dice que Cumbre Américas puede tener ‘credibilidad’ con presencia Cuba". Kontrolita 17-a de decembro 2014. (hispane)
- ↑ [1]
- ↑ Eks-Prezidantoj iberoamerikanoj petas ŝanĝon en Venezuelo
- ↑ Dilma Rousseff volas ke Venezuelo liberigu la enkarcerigitajn opoziciulojn
- ↑ Es cierto: Decepciona la reacción latinoamericana con Venezuela
- ↑ "Cumbre Américas tendrá región unida tras acercamiento EEUU-Cuba, dice Panamá". Kontrolita 17-a de decembro 2014.
- ↑ "Obama participará en la Cumbre de las Américas de Panamá". Kontrolita 17-a de decembro 2014. (hispane)
- ↑ "Secretario de Estado del Vaticano irá a Cumbre de las Américas". Kontrolita 23-a de marto 2015. (hispane)
Ekteraj ligiloj[redakti | redakti fonton]
- oficiala retpaĝo de la evento Arkivigite je 2016-04-07 per la retarkivo Wayback Machine