Ágnes Roboz

Ágnes Roboz
	; Ágnes Roboz
Persona informo
Naskiĝo	18-an de junio 1926; en Budapeŝto
Morto	23-an de marto 2021 (94-jaraĝa); en Budapeŝto
Ŝtataneco	Hungario
Alma mater	Universitato de Dramo kaj Filmo
Infano	1
Okupo
Okupo	dancisto • koreografo
	v • d • r

Ágnes Roboz [Agneŝ], laŭ hungarlingve kutima nomordo Roboz Ágnes estis hungara koreografo, altlerneja instruisto. Ŝiaj geedziĝaj nomvariantoj estis Békés Györgyné aŭ Roboz Békés Ágnes.

Ágnes Roboz^[1] naskiĝis la 18-an de junio 1926 en Budapeŝto, ŝi mortis la 23-an de marto 2021 en Hungario (supozeble en Budapeŝto).

Biografio[redakti | redakti fonton]

Ágnes Roboz lernis en baletlernejo de Sándor Troyanoff inter 1939–1944, poste ŝi akiris koreografian diplomon en Teatra kaj Filma Altlernejo de Budapeŝto en 1949. Ŝia ĉefinstruisto estis Olga Szentpál. Inter 1950-1956 ŝi estis koreografo de Operetoteatro (Budapeŝto), samtempe ŝi estis instruisto de la ĵus fondita Ŝtata Baleta Instituto. Inter 1958-1960 ŝi instruis en lernejo de en:Gret Palucca en Dresdeno (tiam Orienta Germanio), poste denove en la Baleta Instituto. Ŝi ankaŭ estis koreografo de hungaraj filmoj. Inter 1971 kaj 2008 ŝi instruis en konservatorio de Hago, en:Fontys School of Fine and Performing Arts, en:Royal Ballet School, Amsterdamo, Roterdamo kaj gvidis somerajn kursojn (ankaŭ en Hungario), pli malofte ŝi ankaŭ koreografis. Hejmenveninta ŝi estis aktiva kiel spertulo en baleta vivo de Budapeŝto. Ŝi ricevis premiojn inter 1954-2015. Ŝi edziniĝis en 1945, ŝi naskis unufoje, ŝi vidviniĝis en 1971.