Testamento de Baha'u'llah

Bahaa Ortografio
	Por klarigoj pri la transskribado de la nomoj arabaj kaj persaj per okcidentaj literoj, vidu la artikolon de Vikipedio titolitan:; « Bahaa ortografio ».

La Testamento de Bahá'u'lláh, Profeto kaj fondinto de la Bahaa Kredo, estis malsigelita kaj legita publike naŭ tagojn post lia forpaso ^[1], kiu okazis la 29-an de majo 1892 (2-a de Dhi'l-Qa'dih 1309 p.H.) en lia Vilao de Bahjí apud la palestina urbo Akko ( 'Akká, nun en la norda parto de Israelo ).

Tiun testamenton sian Bahá'u'lláh propramane skribis, sigelis kaj transdonis al sia plej aĝa filo 'Abdu'l-Bahá' (arabe : "Servanto de Bahá' "), por ke ĝin li gardu ĝis lia forpaso. Tiun testamenton Bahá'u'lláh titolis "la Libro de Mia Interligo" (Kitáb-i-'Ahd), sia "plej grava epistolo", kaj la "Purpura Libro" ^[2].

En sia testamento Bahá'u'lláh elektis sian plej maljunan filon 'Abdu'l-Bahá' 'Abbás kiel la "Centron de sia Interligo" por gvidi la bahaan komunumon kaj kiel la unusolan interpretanton senararan de la siaj skribaĵoj. Jam en sia "Plej Sankta Libro" (Kitáb-i-Aqdas) ^[3] kaj en sia "Surao de la Branĉo" (Súriy-i-Ghuṣn) ^[4] Bahá'u'lláh elektis iun titolitan "la branĉo el tiu praa radiko potenca" por tia ofico, sed nur en sia testamento li klarigis, ke tiu-ĉi estas ja 'Abdu'l-Bahá titolita la "Plej Granda Branĉo" (Ghuṣn-i-A‘ẓam) de Bahá'u'lláh. ^[5]

Por la bahaanoj, la Interligo tiel estigita de Bahá'u'lláh havas neniun ekvivalenton en la pasintaj religioj, kaj garantias la daŭran protekton de la bahaa komunumo kontraŭ eventualaj skismoj.

Notoj[redakti | redakti fonton]

↑ "God passes by" de Shoghi Effendi, ĉapitro 14-a, paĝo 238-a
↑ "God passes by" de Shoghi Effendi, ĉapitro 14-a, paĝo 238-a / "purpura" estas referenco al la koloro de la ardanta arbeto de Moseo sur la monto Sinajo
↑ Kitáb-i-Aqdas ("Plej sankta Libro") de Bahá'u'lláh, versoj 105-a, 121-a kaj 174-a
↑ Súriy-i-Ghuṣn ("Surao de la Branĉo") de Bahá'u'lláh, en la franca lingvo
↑ Kitáb-i-'Ahd ("Libro de Mia Interligo") de Bahá'u'lláh, versoj 19-a ĝis-21-a

Referencoj[redakti | redakti fonton]

Kitáb-i-Aqdas ("Plej Sankta Libro") de Bahá'u'lláh, en la lingvoj angla kaj franca
Kitáb-i-'Ahd ("Libro de la Interligo") de Bahá'u'lláh, en la lingvoj angla kaj franca
Súriy-i-Ghuṣn ("Surao de la Branĉo") de Bahá'u'lláh, en la franca lingvo
"God passes by" de Shoghi Effendi en la lingvoj angla, franca
"Le Covenant", kompilaĵo de tekstoj en la franca lingvo kun notoj far Nosrat Tirandaz ISBN 2950656358

[1] "God passes by" de Shoghi Effendi, ĉapitro 14-a, paĝo 238-a

[2] "God passes by" de Shoghi Effendi, ĉapitro 14-a, paĝo 238-a / "purpura" estas referenco al la koloro de la ardanta arbeto de Moseo sur la monto Sinajo

[3] Kitáb-i-Aqdas ("Plej sankta Libro") de Bahá'u'lláh, versoj 105-a, 121-a kaj 174-a

[4] Súriy-i-Ghuṣn ("Surao de la Branĉo") de Bahá'u'lláh, en la franca lingvo

[5] Kitáb-i-'Ahd ("Libro de Mia Interligo") de Bahá'u'lláh, versoj 19-a ĝis-21-a

[1]

[2]

[3]

[4]

[5]