Ŝanceliĝo

Ŝanceliĝo laŭ esperantlingvaj vortaroj kiel PIV aŭ Reta Vortaro estas la stato

1. esti forte skuata kaj fariĝi facile falonta,
2. (en figura senco) esti malfortigita, malfirmigita, endanĝerigita, kaj
3. (en pli vasta figura senco) heziti.

Ŝancelo do estas la ago kaŭzi tian staton, kutime samsenca al la vorto malstabiligo.

Etimologie la vorto devenas de la franca verbo chanceler.

Citaĵoj el la klasika esperantlingva literaturo

	„ La rivero sin ĵetis kontraŭ tiun domon, kaj ne povis ĝin ŝanceli; ĉar ĝi estis bone konstruita. ”

	„ La plena de saĝo pastra partio ekŝancelis la aŭtoritaton de l’ faraono. ”

	„ La lasta [mondmilito] ŝancelis la fundamentojn de la kapitalismo en Eŭropo ”

	„ Ŝanceliĝas la tero kiel ebriulo kaj balanciĝas kiel hamako. ”

	„ Ŝi ne iras rekte laŭ la vojo, ŝiaj paŝoj ŝanceliĝas. ”

	„ Ne ŝanceliĝu dekstren nek maldekstren. ”

	„ La ŝipo glitis facile kaj sen forta ŝanceliĝado sur la glata maro. ”

	„ La enspezoj de la ŝtato ekŝanceliĝas. ”

	„ Vi nun komencas dubeme ŝanceliĝi. ”

	„ Marta videble ŝanceliĝis momenton. ”