| „ En 1908. nur kelkajn monatojn post la fondiĝo de Brazila Esperanto-Ligo, mortis Machado de Assis, fama tiutempa aŭtoro --romanisto kaj teatraĵisto— kiu sciis korekti per ridetoj aŭ per larmoj la bildojn, kiujn la vivo metis antaŭ liajn okulojn.
Memore al la 50-a jaro de lia morto, Brazila Esperanto-Ligo, koincide kun sia Ora Jubileo, eldonis ĉi tiun libron, kiel unuan en serio pri la brazila literaturo.
Jen do kvar agrablaj unuaktaj komedietoj, en ĉarma bukedo, kiuj delikate eligas aromon de la romantika epoko de niaj geavoj.
Du el ili: «La Protokolo» kaj «Preskaŭ Ministro», kun malsama temo, sed kun sama ĉarma simpleco, estas, por miagusto, la plej karakterizaj. Cetere, ĉar tre facile
ludeblaj, ili bonege taŭgas por amatora prezentado, dum festoj, en niaj Grupoj,
kies bibliotekistoj, cele al tiaj aranĝoj, devas tuj fari oportunan mendon.
La dinamika koncizeco de la originalo restas en la traduko, kies lingvo estas bona, ĉiam en glata formo por klara prononco kaj tuja komprenebleco. Tamen, la vitro de mia lupeo iomete makuliĝis pro ega abundo da vortetoj: io, ia, iu, iuj, iajn k. t. p. kiujn solidare la kvar tradukintoj, tro balaste por la stilo, malavare uzas, sub
nacia influo de la portugala lingvo.
Sed, ŝparemo pri neologismoj aldonas kvaliton al ĉi tiu vere interesa libro. ” |
