Sebligna eŭkalipto
Sebligna eŭkalipto | ||||||||||||
---|---|---|---|---|---|---|---|---|---|---|---|---|
Folioj, floroj kaj fruktoj
| ||||||||||||
Biologia klasado | ||||||||||||
| ||||||||||||
Eucalyptus microcorys F. Muell. | ||||||||||||
Aliaj Vikimediaj projektoj
| ||||||||||||
La sebligna eŭkalipto (Eucalyptus microcorys) estas eŭkaliptospecio indiĝena kaj komuna en Novsudkimrujo kaj Kvinslando, Aŭstralio. Ĝi kreskas en arbaroj proksime de la marbordo en riĉaj grundoj en ŝirmita suna situo [1]. Tiu aŭstralazia specio estas sentiva por trosekeco kaj frosto[2].
La sebligna eŭkalipto (angle : tallowwood) estas tiel nomata kaŭze de la grasa aŭ seba laŭtuŝo de la ligno kiam oni hakas la arbon. Ĝi estas unu el la specioj kies folioj estas uzataj kiel nutraĵo de koaloj.
Priskribo[redakti | redakti fonton]
Ĝi estas alta ĉiamverda arbo kreskanta al 40 m, foje al 70 m [3], kun kruda, fibreca oranĝkolora ŝelo kaj densa krono. La folioj longas 8–12 cm kaj larĝas 1,5-2,5 cm. La floroj konstituas umbelojn de 7-11.
Uzado[redakti | redakti fonton]
Ties nektaro estas multe aprezata fare de la abelbredistoj. Propagado seme fariĝas.
La ligno estas nature olea kun alta taninoenhavo kaj estas multe uzata por terasado kaj, freŝdate, por ĝardenmeblaro. Ĝi havas klare flavec-brunan ĝis olivverdan koloron.
Referencoj[redakti | redakti fonton]
- ↑ angle K.Hill 1991 : Flora of NSW
- ↑ Bodkin, Frances (comp), Encyclopaedia Botanica, Angus & Robertson, 1986, ISBN 0 207 15064 8
- ↑ Boland et al. Forest Trees of Australia.
Bibliografio[redakti | redakti fonton]
- angle Hall, Norman; R.D. Johnston; G.M. Chippendale 1975 : Forest trees of Australia, Australian Department of Agriculture, Forestry and Timber Bureau, Canberra, 334 p., pp. 158-159. ISBN O 642 98480 8