Romba dekduedro
| Romba dekduedro | |
| |
| Klaku por rigardi turnantan bildon | |
| Speco | Katalana solido Latero-transitiva, zonopluredro |
| Edra figuro | V3.4.3.4 |
| Verticoj | 14 |
| Lateroj | 24 |
| Edroj | 12 |
| χ | 2 |
| Geometria simetria grupo | Oh |
| Duedra angulo | 120° |
| Duala | Kubokedro |
| Bildo de duala | 
|
En geometrio, la romba dekduedro estas konveksa pluredro, katalana solido kun 12 rombaj edroj. Ĝia duala estas la kubokedro. Ĉar ĝi estas katalana solido do ĝi estas edro-transitiva kun malregulaj edraj plurlateroj.
Propraĵoj[redakti | redakti fonton]
Ĝi estas zonopluredro. La longa diagonalo de ĉiu edro estas akurate je √2 fojoj pli longa ol la mallonga diagonalo, do la anguloj de ĉiu edro estas cos−1(1/3), aŭ proksimume 70,53°.
La romba dekduedro estas unu el la naŭ latero-transitivaj konveksaj pluredroj, ili estas 5 platonaj solidoj, kubokedro, dudek-dekduedro, romba dekduedro kaj romba tridekedro.
La romba dekduedro povas esti uzata por kaheli 3-dimensian spacon. Iel simile al tio el seslateroj estas konstruita ebena seslatera kahelaro kaj el 24-ĉeloj estas konstruita 4-dimensia 24-ĉela kahelaro.
Ĉi tiu kahelaro estas la kahelaro de Voronoi de la kristalsistema edro-centrita kuba krado. Iuj mineraloj, ekzemple grenato formas romban dekduedran kristalan rutinon.
La romba dekduedro estas la vertico-centrita projekcio de 4-hiperkubo al 3 dimensioj. Estas ĝuste du vojoj de malkomponigo de romba dekduedro en 4 kongruajn paralelepipedojn, kune tiel estas 8 paralelepipedoj. La 8 ĉeloj de la 4-hiperkubo projekcias precize al ĉi tiuj 8 paralelepipedoj.
Areo kaj volumeno[redakti | redakti fonton]
La areo A kaj la volumeno V de la romba dekduedro de latera longo a estas:
Karteziaj koordinatoj[redakti | redakti fonton]
Karteziaj koordinatoj de la ok verticoj kie tri edroj kuniĝas je iliaj malakutaj anguloj estas
- (±1, ±1, ±1)
La koordinatoj de ses verticoj kie kvar edroj kuniĝas je iliaj akuta anguloj estas ĉiuj permutoj de
- (0, 0, ±2)
Vidu ankaŭ[redakti | redakti fonton]
- Romba tridekedro
- Senpintigita romba dekduedro
- 24-ĉelo - kvar-dimensia analogo de la romba dekduedro
Referencoj[redakti | redakti fonton]
- Williams, Robert. (1979) The Geometrical Foundation of Natural Structure: A Source Book of Design - La Geometria Fundamento de Natura Strukturo: Fonta Libro de Dizajno. Dover Publications, Inc. ISBN 0-486-23729-X. (Sekcio 3-9)
Eksteraj ligiloj[redakti | redakti fonton]
- Eric W. Weisstein, Romba dekduedro en MathWorld.
- Virtualaj realaj pluredroj - la enciklopedio de pluredroj
- Romba Dekduedra Kalendaro – fari romba dekduedra kalendaro sen glui