Mordloch ĉe Štětí
| Mordloch ĉe Štětí | |
| kaverno | |
| Oficiala nomo: Mordloch u Štětí | |
| Ŝtato |  Ĉeĥio
|
|---|---|
| Regiono | Mezbohemia regiono |
| Distrikto | Distrikto Mělník |
| Administra municipo | Liběchov |
| Historia regiono | Bohemio |
| Montaro | Doksa montetaro |
| Situo | Mordloch ĉe Štětí |
| - koordinatoj | 50° 26′ 21″ N 14° 26′ 22″ O / 50.43917 °N, 14.43944 °O (mapo) |
| Katastro | 4,80 km² (480 ha) Ješovice |
| Horzono | MET (UTC+1) |
| - somera tempo | MET (UTC+2) |
  Situo enkadre de Ĉeĥio
| |
 Portalo pri Ĉeĥio
| |
Mordloch ĉe Štětí estas kaverno, kiu situas en rokoj en arbaro, 1,5 km de vilaĝo Ješovice, 5 km de Štětí en Ĉeĥio.
Mordloch signifas (en la germana lingvo) Murda truo, kaj ĝi estas unu el negrandaj, sed memorigaj kavaĵoj de regiono ĉirkaŭ Kokořín, kaj kiel la nomo diras jam al ni, kavaĵo kun maltrankvila historio kaj ŝpinita per legendoj. Temas pri unu iom granda elhakita spaco kun dimensioj 6 x 2,5 m kaj al ĝi ligita malalta pseŭdokarsta tavolkaverno. La artefarita kamero estas por restado sufiĉe alta kaj ekipita ankaŭ per ŝtonbenkoj, sed la kaverno, kvankam proporcie grandspaca (3 branĉoj kun suma longeco ĉirkaŭ 22 m), estas nur 0,5 m alta.
Nur 7 m malproksimas kaverno Ĉe Murda truo, 11 m longa, maksimume 0,9 m alta, ligita al tavoljunto kaj vertikala krevaĵo. Antaŭ la kaverno staras interesa rokaperaĵo nomata Sep Panoj.
Flava turisma pado 
el Štětí kondukas tra regiono, kie en la mezo de la 19-a jarcento agadis skulptisto Václav Levý, kiu kreis siajn monumentajn laboraĵojn rekte en tereno per reguligo de naturaj rokformacioj. La rezulto estas vico da statuoj (ekz. Kapoj de diablo) aŭ naturmonaĥejetoj. Ĉi tie estas ĉe la pado du rokkapeloj – Grafa Kapelo kaj Maria Magdalena. En izolitaj grejsaj rokaroj estas multe da etaj, plejparte naturkavaĵoj.
En tiu ĉi regiono ni renkontas finan staton de evoluo de grejsaj rokurboj, kiuj estas per erozio kaj eriĝado jam ŝanĝitaj al plata pejzaĝo kun atestroketoj.
