Mazepa

Mazepa
Mazepa
Aŭtoro	Juliusz Słowacki
Eldonjaro	1912
Urbo	Parizo
Eldoninto	Hachette
Paĝoj	87

Antoni Grabowski (sidanta) kun aktoroj ludantaj en la spektaklo Mazepa dum la UK en Krakovo

Mazepa estas tragedio en 5 aktoj de Juliusz Słowacki. El la pola tradukis ĝin Antoni Grabowski. La 87-paĝa libreto estis eldonata de Hachette en Parizo en la jaro 1912 en la serio "Kolekto de la Revuo". Tiu teatraĵo estas prezentita dum la Universala Kongreso de Esperanto de Krakovo en 1912.

En 2020 la Esperanto-traduko estas reeldonita de Bjalistoka Esperanto-Societo (Bjalistoko), Libro-Mondo (Świdnik) kaj Ars Libri (Lublin).

Recenzoj

	„ Historia tragedio pri romantika amo. Unu fojon pli Grabowski sin montris vera majstro en nia lingvo. ” — Camille Aymonier, La Revuo, VII. vol, paĝo 94

	„ Tragedio ludata dum la oka kun multegaj aplaŭdoj. ” — 1912, Historio de Esperanto I, paĝo 359

	„ La tragedio Mazepo estas elektita por esti ludata dum la oka kongreso. Ĝi estas tre konata en Polujo. La nomo de la tradukinto estas garantio kaj Esperantujo povas aplaŭdi la aperon de tiu bela verko, kies legadon ni rekomendas al ĉiuj esperantistoj kaj precipe al tiuj samideanoj kiuj intencas partopreni la Okan ” — Belga Esperantisto n041 (mar 1912)

Eksteraj ligiloj

• Mazepa en Enciklopedio de Esperanto
• Katalogo de Biblioteko Hippolyte Sebert
• Katalogo de Esperantomuzeo kaj Kolekto por Planlingvoj
• Katalogo de Heredaĵbiblioteko Hendrik Conscience