Mara (Zaragoza)

Mara
municipality of Aragon
Flago	Blazono
Administrado
Poŝtkodo	50331
En TTT	Oficiala retejo [+]
Demografio
Loĝantaro	163 (2023) [+]
Loĝdenso	8 loĝ./km²
Geografio
Geografia situo	41° 17′ N, 1° 31′ U (mapo)41.2889762-1.5180596 [+]
Alto	688 m [+]
Areo	21,088061 km² ( 210 8.8 061 ha) [+]
Horzono	UTC+01:00 [+]
	Mara (Provinco Zaragozo)
	Situo de Mara
	Mara (Hispanio)
	Situo de Mara
Alia projekto
	Vikimedia Komunejo Mara (Zaragoza) [+]
	v • d • r

Mara [MAra] estas municipo de Hispanio, en la sudoriento de la komarko Comunidad de Calatayud kies ĉefurbo estas apuda Calatayud, en la sudokcidento de la Provinco Zaragozo (regiono Aragono).

Geografio[redakti | redakti fonton]

Mara estas municipa teritorio en la sudoriento de la komarko Comunidad de Calatayud, kie ĝi estas norde de Miedes de Aragón.

La loĝloko Mara mem estas je 83 km sudokcidente de Zaragozo, provinca kaj regiona ĉefurbo, je 15 km de Calatayud, sur 688 msm en la Iberia Sistemo, sur la valo de la rivero Perejiles estante la tria loĝloko tie antaŭ la enfluejo en la riveron Jalón ĉe Calatayud.

Ĝi estas alirebla laŭ la ŝoseo A-1504. La plej proksima loĝloko estas Ruesca.

Historio[redakti | redakti fonton]

Proksime estis la keltibera urbo Segeda. Alfonso la 1-a definitive konkeris la areon en 1120 post la konkero de Tarazona kaj Calatayud. Ĝi apartenis al la Komunumo de Domaroj de Calatayud.

Preskaŭ ĉiuj loĝlokoj de la areo perdis loĝantaron laŭlonge de la 20-a jarcento kaj same en Mara kie oni malaltiĝis el 844 loĝantoj en 1950 ĝis nunaj 167 loĝantoj en 2021. Evidente elmigrado ĝenerale foriris al industriaj aŭ pli viglaj areoj kiel Zaragozo, kaj Calatayud.

Aktualo[redakti | redakti fonton]

Tradicia bazo de ekonomio estis agrikulturo (cerealoj, olivarboj, migdalarboj, kaj ĉefe ĉerizarboj kaj vitejoj), kaj brutobredado (kortobirdoj, ŝafoj kaj porkoj) kaj sekva nutrindustrio (ĉefe vinproduktado). Nune gravas ankaŭ natura, kultura kaj rura turismo.

Ĉefaj altiraĵoj estas la mudeĥara preĝejo, kaj naturaj lokoj ĉefe ĉe la riveroj.