Jarandilla de la Vera

Jarandilla de la Vera
municipo en Hispanio • urbeto
	Blazono
Administrado
Lando	Hispanio
Regiono	Ekstremaduro
Provinco	Cáceres (Kacereso)
Komarko	La Vera
Poŝtkodo	10450
Retpaĝaro	jarandilla.es
Politiko
Urbestro	Victor Manuel Soria Breña (PSOE)
Demografio
Loĝantaro	3 113 (2008)
Loĝdenso	46 loĝ./km²
Geografio
Geografia situo	40° 8′ N, 5° 39′ U (mapo)40.126944444444-5.6583333333333Koordinatoj: 40° 8′ N, 5° 39′ U (mapo) [+]
Alto	585 m [+]
Areo	62 km² (6 200 ha)
Horzono	UTC+01:00 [+]
	Jarandilla de la Vera (Ekstremaduro) Jarandilla de la Vera
	Situo de la komunumo en Ekstremaduro
	Jarandilla de la Vera (Hispanio) Jarandilla de la Vera
	Situo de la komunumo en Hispanio
Alia projekto
	Vikimedia Komunejo Jarandilla de la Vera [+]
	v • d • r

Jarandilla de la Vera aŭ populare simple nomata Jarandilla en la zono [ĥaranDIja], estas municipo de Hispanio, en la provinco Cáceres (Kacereso), regiono Ekstremaduro.

La loĝantoj nomiĝas jarandillanos. La censita populacio en 2008 estis 3 113 loĝantoj.

Situo[redakti | redakti fonton]

Jarandilla de la Vera estas situa en la nordorienta parto de Ekstremaduro en la komarko aŭ distrikto La Vera, je altitudo de 585 m; je 136 km de Cáceres, provinca ĉefurbo kaj je 196 km de Mérida, la regiona ĉefurbo, kaj je 221 km de Madrido, la ŝtata ĉefurbo. La surfaco de ties teritorio estas de 62 km².

Historio[redakti | redakti fonton]

La antaŭromiaj popoloj jam setlis en la areo kaj de la epoko de la Romia Imperio kiam la vilaĝo estis konata kiel "Flavium Vivertorum" restis nombraj restaĵoj kiel la ponto super la kanjono Jaranda, inter aliaj.

Poste de la epoko de la visigotoj restis baptujo kun la svastiko kiu troviĝas en la preĝejo de Santa María de la Torre.

Dum la epoko de dominado de araboj, ili nomigis la urbeton per la nomo de "Xarandiella". Pri la vera deveno de la vorto, oni devas memori, ke ĝi enhavas la vorton Aran, kiu en antaŭromiaj lingvoj signifis valo aŭ rivero (en eŭska estas Harán-Jarán, valo) (kio aperas ankaŭ en la esprimo Campo Arañuelo, zono geografie tre proksima, aŭ en la Valo de Aran, Aranjuez, ktp.), tiele probable la araboj donis al la loko la praromian nomon de la zono. Jarandilla, venus de Jaranda, Xarán plus la sufikso -da, "loko de" kaj diminutivo illa-ae, "loko aŭ zono de la eta valo".

Sed la fakto sendube pli elstara el la historio estis la ĉeesto de la Imperiestro Karlo la 1-a de Hispanio kaj 5-a de Germanio. Li alvenis al Jarandilla la 11an de novembro de 1556 kaj gastis en la kastelo de la Grafoj de Oropesa, antaŭ lia translokiĝo al la Monaĥejo de Yuste kie vivs siajn lastajn tagojn. La kastelo de la Grafoj de Oropesa estas aktuale la Parador Nacional de Turismo Carlos V, tio estas ŝtatposedata gastejo, kie eblas tranokti (vidu sube).