Edukado al amaskomunikilaro kaj informado
Edukado al amaskomunikilaro kaj informado, ankaŭ amaskomunikila literatio[1] (angle: media literacy[2]) rilatas al la procezo de aliro, analizado, taksado kaj kreado de mesaĝoj en diversspecaj amaskomunikiloj. Ĝi uzas esplor-bazitan instruan modelon, kiu instigas homojn sin demandi kion ili rigardas, legas aŭ aŭskultas. Amaskomunikila literaturo celas evoluigi amaskomunikilan kulturon. Ĝi provizas homojn per iloj por:
- kritike analizi mesaĝojn kaj informadon
- detekti propagandon, cenzuron aŭ diskriminacion (inkluzive de la instigoj al tiaj agoj) en novaĵoj aŭ aliaj publikaj programoj
- kompreni kiel certaj strukturaj trajtoj - kiel ekzemple la financado kaj distribuado de la produktadaj rimedoj - povas influi la manieron prezenti informon.
Unesko[redakti | redakti fonton]
En 2011, Unesko publikigis dokumenton kun gvidlinioj pri kiel tiuj kompetentecoj povas esti uzataj en lernejoj[3] kaj instruista trejnado tutmonde kaj ĉiujaran semajnon pri amaskomunikila literatio[4].
Eŭropa Unio[redakti | redakti fonton]
La Eŭropa semajno pri amaskomunikila edukado estas iniciato de la Eŭropa Komisiono por antaŭenigi kapablojn kaj projektojn pri amaskomunikila edukado en la membroŝtatoj de la Eŭropa Unio por certigi ke la civitanoj povu navigi la modernan novaĵpejzaĝon kaj preni informitajn decidojn. Ĝi ankaŭ helpas kontraŭstari la efikojn de misinformaj kampanjoj kaj falsaj novaĵoj disvastiĝantaj per retaj amaskomunikiloj.
Transformante la procezon de konsumado de amaskomunikilaj mesaĝoj en kritikan kaj aktivan agadon, homoj iĝas pli konsciaj pri la manipulada potencialo de la amaskomunikiloj (precipe per reklamaj kaj publikrilatoj teknikoj).
Vidu ankau[redakti | redakti fonton]
Referencoj[redakti | redakti fonton]
- ↑ Lingva noto: literatio estas pli ol "legoscio" aŭ "alfabetigo": ĝi estas la kapablo identigi, kompreni, interpreti, krei, komuniki kaj komputi, uzante presitan aŭ skribitan materialon, asociitan en diversaj kuntekstoj.
- ↑ Hobbs, Renee (2010). Digital and Media Literacy: A Plan of Action (PDF). Aspen Institute.
- ↑ (en) Global Media and Information Literacy Assessment Framework: Country Readiness and Competencies, Unesco, 2011
- ↑ (ar, en, fr) Global Media and Information Literacy Week 2023, Media and information literacy in digital spaces: a collective global agenda, Unesco