Akcipitroj
 | ||||||||||||
|---|---|---|---|---|---|---|---|---|---|---|---|---|
 | ||||||||||||
| Biologia klasado | ||||||||||||
| ||||||||||||
Specioj
| ||||||||||||
|
Vidu tekston. | ||||||||||||
Aliaj Vikimediaj projektoj
| ||||||||||||
Akcipitroj de la genro Accipiter estas tagaj rabobirdoj. Ties familia proksimeco kun agloj, aliaj akcipitroj de aliaj genroj kaj eĉ kun Malnovmondaj vulturoj estas rimarkinda. Tamen la rilato kun falkoj estas ne tiom proksimeca. Kaj Strigoj aŭ Novmondaj vulturoj estas sufiĉe malproksimaj.
Tiu genro povas esti laŭ anatomio distingata de siaj parencoj pro manko de porkorakoida forameno. Du malgrandaj kaj aberaciaj specioj kutime situantaj tie posedas grandan prokorakoidan foramenon kaj estas distingaj ankaŭ rilate al la sekvenco de DNA. Tio povus garantii disigon en la malnova genro Hieraspiza.[1]
Akcipitroj de la genro Accipiter estas sveltaj rabobirdoj adaptitaj al vivo en arbaro kaj lokoj kie estas tro da vegetaro. Tiel iliaj flugiloj estas adaptitaj al manovro en tiu medio: relative mallongaj, larĝegaj kaj rondformaj. Male, ili havas longan voston por stiri direkton rapide. La fingroj estas povegaj por kapti predon kaj la beko hokoforma por disŝiri ĝin. La inoj estas pli grandaj ol la maskloj.
Tiuj birdoj estas agresemaj. Ili ĉasas per rapida ekflugo de gvatejo kiam ili vidas predon tute neatendantan atakon. Pro tiuj rapideco kaj agresemo foje akcipitroj vundiĝas kontraŭ branĉoj aŭ bastonoj, foje nur en plumaro, sed foje ankaŭ en ostoj kio povas malhelpi vivtenon kaj kaŭzi postan morton de la akcipitro. La kutima flugmaniero estas serio de flugilfrapadoj kaj posta glisado.
Multaj el tiuj specioj estas migrantaj, aliaj loĝantaj birdoj. Dum migrado videblas granda nombro da birdoj. Aliaj vivas ĉu solaj ĉu popare ene de arbaroj aŭ proksime de ties bordoj. Estas esceptoj kaj kelkaj specioj adaptiĝis vivi en arboj de terkulturita kamparo aŭ eĉ de urbaj aŭ ĉeurbaj zonoj.
Specioj de la genro Accipiter[redakti | redakti fonton]
- Akcipitro Accipiter gentilis
- Nizo Accipiter nisus
- Grizventra akcipitro, Accipiter poliogaster
- Kresta akcipitro, Accipiter trivirgatus
- Grizkapa akcipitro, Accipiter griseiceps
- Ruĝbrusta akcipitro, Accipiter toussenelii
- Afrika akcipitro, Accipiter tachiro
- Ĉina akcipitro, Accipiter soloensis
- Francesa akcipitro, Accipiter francesiae
- Anjuana akcipitro, Accipiter francesiae pusillus
- Punktovosta akcipitro, Accipiter trinotatus
- Helgriza akcipitro, Accipiter novaehollandiae
- Aŭstralia akcipitro, Accipiter fasciatus
- Kristnaskinsula akcipitro, Accipiter (fasciatus) natalis
- Nigradorsa akcipitro, Accipiter melanochlamys
- Blankagorĝa akcipitro, Accipiter albogularis
- Fiĝia akcipitro, Accipiter rufitorques
- Novkaledonia akcipitro, Accipiter haplochrous
- Moluka akcipitro, Accipiter henicogrammus
- Helgrizkapa akcipitro, Accipiter poliocephalus
_with_a_Garden_Lizard_W_IMG_8995.jpg)
- Novbritia akcipitro, Accipiter princeps
- Blankanigra akcipitro, Accipiter melanoleucus
- Hensta akcipitro, Accipiter henstii
- Mejera akcipitro, Accipiter meyerianus
- Brunflanka akcipitro, Accipiter castanilius
- Nikobara akcipitro, Accipiter butleri
- Mallongkrura akcipitro, Accipiter brevipes
- Ardezdorsa akcipitro, Accipiter luteoschistaceus
- Imita akcipitro, Accipiter imitator
- Ruĝecfemura akcipitro, Accipiter erythropus
- Malgranda akcipitro, Accipiter minullus
- Japana akcipitro, Accipiter gularis
- Nana akcipitro, Accipiter nanus
- Ruĝeckola akcipitro, Accipiter erythrauchen
- Brunkola akcipitro, Accipiter cirrocephalus
- Longfingra akcipitro, Accipiter brachyurus
- Rozbrusta akcipitro, Accipiter rhodogaster
- Madagaskara akcipitro, Accipiter madagascariensis
- Ovampa akcipitro, Accipiter ovampensis
- Ruĝecbrusta akcipitro, Accipiter rufiventris
- Ŝikro, Accipiter badius
- Superokula akcipitro, Accipiter superciliosus – povus aparteni al Hieraspiza
- Kolumakcipitro, Accipiter collaris – povus aparteni al Hieraspiza
- Striakcipitro, Accipiter striatus
- Blankabrusta akcipitro, Accipiter chionogaster
- Senmarka akcipitro, Accipiter ventralis
- Brunfemura akcipitro, Accipiter erythronemius
- Kupera akcipitro, Accipiter cooperii
- Gundlaĉa akcipitro aŭ Kuba akcipitro, Accipiter gundlachi
- Dukolora akcipitro, Accipiter bicolor
- Ĉilia akcipitro, Accipiter (bicolor) chilensis
- Besro aŭ Hindia akcipitreto, Accipiter virgatus
Oni vidis ekzempleron de Accipiter la 12an de marto 1994 sude de la montopinto Camiguin en Filipinoj, kies specio ne estas konata. Ĝi povus esti nepriskribita taksono, sed plej verŝajne ne; ĝi povus esti simple vaganto de konata specio.[2]
Notoj[redakti | redakti fonton]
Referencoj[redakti | redakti fonton]
- Balete, Danilo S.; Tabaranza, Blas R. Jr. & Heaney, Lawrence R. (2006): An Annotated Checklist of the Birds of Camiguin Island, Philippines. Fieldiana Zoology, New Series 106: 58–72. DOI:10.3158/0015-0754(2006)106[58:AACOTB]2.0.CO;2 HTML abstract
- Heaney, Lawrence R. & Tabaranza, Blas R. Jr. (2006): Mammal and Land Bird Studies on Camiguin Island, Philippines: Background and Conservation Priorities. Fieldiana, New Series 106: 1-13. DOI:10.3158/0015-0754(2006)106[1:MALBSO]2.0.CO;2 HTML resumo
- Storrs Olson (2006): Reflections on the systematics of Accipiter and the genus for Falco superciliosus Linnaeus. Bulletin of the British Ornithologists' Club 126: 69-70. PDF plena teksto Arkivigite je 2013-10-29 per la retarkivo Wayback Machine
| ||||||||||||||||||
